Futbollisti rus shfryn hundët me kartëmonedha, "masakrohet" në internet
Një futbollist rus postoi në internet një video ku shihet se si shfryn hundët me një kartëmonedhë prej 5000 rublash, që i bie rreth 86 dollarë.
“Mund t’ia jap këtë kartëmonedhë njerëzve që kanë shumë nevojë për të, por nuk do e bëj këtë sepse kam qurra”, dëgjohet të thotë Stanislav Manayev përpara se të vazhdojë shfryrjen e hundëve.
19-vjeçari e fshiu më pas videon e postuar në Instagram, por klipi qarkulloi nëpër forume dhe tashmë mund të shihet në Youtube.
Futbollisti rus u kritikua nga shumë përdorues të internetit për gjestin e bërë. Por ajo që ra në sy ishte dhe kritika e ministrit rus të Sporteve.
“Nuk ka dyshim që videoja tregon nivelin e ulët kulturor të këtij futbollisti. Jam i sigurtë që do t’i shërbejë si mësim”, deklaroi Pavel Kolobkov.