Një burrë në qytetin rus të Kurskut është shpëtuar nga vdekja e sigurt pasi mbijetoi një ditë i bllokuar në sistemin nëntokësor të ngrohjes. Operacioni dramatik i shpëtimit u kap në video nga mediat ruse.

Të hënën, fëmijët lokalë dëgjuan një zë të çuditshëm që vinte nga nën toka në Kursk, duke shtuar kuriozitetin e tyre.

Përmes një vrime nën shtresat e betonit dhe të tokës së ngrirë, ata vunë re një sy njerëzor dhe gishtin e një personi, duke kërkuar ndihmë me dëshpërim.

Kur shpëtuesit arritën në vendin e ngjarjes, ata zbuluan një burrë 40 vjeç, të mbërthyer në rrjetin e tubacionit nëntokësor që u jep ujë të nxehtë banorëve të Kurskut.

Njeriu ishte tepër me fat për të mbijetuar, pasi tubat në kulmin e dimrit mund të nxehen deri në 130 gradë Celsius, gjë që mund të djegë të gjallë një persona.

Për fatin e mirë të viktimës, segmenti në të cilën ai ndodhej, ishte i izoluar dhe tubat nuk e arrijnë temperaturën maksimale.

Skuadra e emergjencës preu betonin me sharrë të posaçme për të nxjerrë prej andej burrin.

Burri i informoi shpëtuesit se ishte i dehur dhe nuk kujton se si përfundoi nën tokë.

Atje ai e gjeti veten të mbërthyer në një hapësirë të mbyllur që ishte mjaft e madhe për një fëmijë të vogël që të dilte me të.

Burri ka pësuar një numër djegiesh gjatë kontaktit me tubacionit.

Ndërsa autoritetet e qytetit po kryejnë hetim për rastin e çuditshëm, burri është dërguar në një spital lokal për të trajtuar lëndimet e tij.

/Ora News.tv/