Nënkryetarja e LSI-së, Erisa Xhixho është bërë pjesë e politikës që në adoleshencë, gjë për të cilën tregon se paragjykohej.

Gjatë një interviste për emisionin “Mos i fol shoferit” nga Rudina Dembacaj, ajo tregon se në ditët e sotme, përfshirja e vajzave në politikë është kthyer në trend.

Xhixho: E kam mbështetur gjithmonë idenë që pavarësisht në cfarë kahesh përfshihen të rinjtë, rëndësi ka të përfshihen në politikë. Të bëhen pjesë e vendimmarrjes. Sot që kemi më shumë të rinj në parlament, kanë ikur paragjykimet. Unë jam futur në politikë në 2004. Për një vajzë të re, 17-18 vjecare ka qenë paragjykim. Sot vajzat e reja të përfshihen në politikë është kthyer në trend, përkrahen nga familja dhe kanë mision të madh.

Xhixho ka rrëfyer bisedën që pati me kryetaren e LSI-së, Monika Kryemadhin para se të bëhej pjesë e politikës, duke i vendosur një kusht paraprak.

Xhixho: Të jem e sinqertë, kam qenë gjithmonë e angazhuar në 8-vjecare, në Petro Nin me senatet. Në momentin që krijohet LSI-ja në 2004, Monika Kryemadhi njihte motrën time sepse ishte e angazhuar me FRESSHIN. Motra ime ka qenë presidente senati dhe unë thjesht e suportoja në sensin që e majtë, familjarisht. Në një moment kur krijohet LSI-ja, Mona gjen numrin tim. Më thotë që duam të krijojmë një parti të re, me fokus të rinjtë. Nuk isha e përfshirë në forumet politike se i shihja më shumë të përdorur në një muaj fushatë sesa qëllimi i vetë forumeve rinore për të krijuar lidership dhe për të qenë shkollë politike për partinë. Kam bërë një bisedë me Monën dhe i thashë, patjetër por me një kusht që nëse ndërtojmë një forum rinor që ti shërbejë të rinjve dhe ti trajnojmë gjithë kohën. Mona e përkrahu dhe kështu u përfshiva. 

Rreth qëndrimit që mbajti familja kur do të kandidonte për kryetare të LRI-së, Erisa Xhixho tregoi se pati mbështetje të madhe nga ana e mamasë.

Xhixho: Babai ishte skeptik, më thoshte do lësh pas mësimet, do lësh shkollën. Ndërsa mamaja më mori vetëm në dhomë, më tha që problemi është se në vitin '90 kur qëndruam në Shqipëri, ne që kishim studiuar, vinim nga familje të mira, duhet të përfshiheshim në politikë, ne vendosëm të mos përfshiheshim. Një nga rezultatet përse politika është sot kështu, është sepse njerëzit me kulturë, me integritet nuk u përfshinë në politikë. Kështu që gocë e dashur, shko atje, përfaqëso rininë tënde.

/Ora News.tv/