Agjenti i Yerry Mina ka thënë se mbrojtësi i Barcelonës nuk ka rënë dakord për të nënshkruar me Evertonin.

Mina arriti në "Camp Nou" vetëm  në janar, por pavarësisht se tregoi aftësinë e tij për Kolumbinë në Kupën e Botës, është sugjeruar që lojtari mund të largohet nga gjigandët katalanas për shkak të numrit të lartë të lojtarëve jo-evropianë në skuadrën e tyre.

"Nuk është e vërtetë që Yerry ka nënshkruar për Evertonin. Për Yerry ka shumë skuadra që kanë interes për të, por para se të mendojmë për këtë, ne duhet të dimë se çfarë planifikon Barcelona të bëjë. Kur të dëgjojmë gjera te reja nga klubi, ne do të marrim një vendim".-tha agjenti dhe xhaxhai i Yerry, Jair Mina.

Mina bëri gjashtë paraqitje për Barcelonën gjatë gjysmës së dytë të sezonit të kaluar, duke ndihmuar skuadrën e tij të fitoj kampionatin dhe Kupën e Mbretit.

/Ora News.tv/