Durrës, 24 vjeçari sulmohet me thikë
Një 47 vjeçar është arrestuar në qytetin e Durrësit pasi akuzohet se sulmoi me thikë një 24 vjeçar mbrëmjen e 29 dhjetorit 2017
Ngjarja është shënuar në lagjen nr 14 të Durrësit, pas jë konflikti të çastit "për motive të dobëta ka goditur me mjet prerës (thikë) në pjesën e gjoksit shtetasin R. A. 24 vjeç, banues në Durrës" informon policia e këtij qyteti.
24 vjeçari ndodhet në Spitalin Rajonal Durrës në gjëndje të rëndë shëndetësore, ndërsa Adriatik Kokiçi 47 vjeç, banues në Durrës është arrestuar në flagrancë.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale" Plagosja e rëndë me dashje" parashikuar në nenin 88/1 të Kodit Penal.