Dhuna në Rrugën e Kombit, nis procedimi penal dhe për policët
Prokuroria e Kukësit ka nisur një tjetër procedim për protestën në Rrugën e Kombit. Krahas 23 protestuesve të proceduar për tre akuza për shkatërrim pronë, shkatërrim prone me dhune , dhe kundërshtim të punonjësve të policisë, procedimi tjetër eshte për kryerje të veprimeve arbitrare nga efektivet e policisë.
Burime nga prokuroria bëjnë me dije për Ora News se edhe për këtë procedim janë duke u zbardhur pamjet filmike që kanë fiksuar protestën për të parë veprimet e policisë ndërsa janë duke u marrë edhe dëshmitë e protestuesve. Deri tani nuk dihet ende numri i efektiveve të proceduar.
Në proteste u angazhuar rreth 80 efektive të cilet ishin kryesisht të komisariatit të Kukësit dhe FNSh-së së Tiranës dhe të Shkodrës.
Sipas njoftimit zyrtar të Policisë së Shtetit ne kete proteste u plagosën 14 efektive njëri prej të cileve më rëndë ndërsa nuk pati asnjë informacion për protestues të plagosur.
Deri tani janë 11 protestues te arrestuar.