Mesfushori i Manchester Cityt, Kevin de Bruyne ka shokuar shtypin anglez. Në një deklaratë të dhënë ditën e sotme për sajtin “The Players Tribune”, 27 vjeçari foli pa “doreza” për shokun e tij të skuadrës, Raheem Sterling.

“Po ju them një sekret. Përpara se të vija në Angli, kisha lexuar lajme nga më të ndryshme për Sterling. Nuk e njihja dhe fakti se do të luanim bashkë, më bëri skeptik”. -tha fillimisht belgu.

Tabloidet sigurisht që temë kanë skandalet dhe de Bruyne pranon se u bë “viktimë” e tyre.

“Tabloidet thonin se ai ishte arrogant dhe se u largua nga Liverpool vetëm për para. Kështu krijova një opinion të gabuar për të. Mendova se ishte rrot …”, u shpreh mesfushori.

Një shprehje e urtë thotë: Mos i gjyko njerëzit, para se t'i njohësh.

“E vërtetë. Sterling është një djalë shumë i mirë dhe një lojtar i shkëlqyer. Është komplet ndryshe nga ç'thonë mediat”.-përfundoi De Bruyne.

/Ora News.tv/