Flamurtari i Ilir Dajës nuk e ka gjetur ende çelësin drejt qëndrueshmërisë. Kuqezinjtë u ndalën në barazim 0-0 nga Luftëtari, rezultat që sipas teknikut Daja ishte më se i merituar.

"Është një hap fals për sa i përket asaj që dhuruam në fushë. Ajo që na duhet ne në këto raste është vazhdimësia. Dhe kjo vazhdimësi jo vetëm në rezultat, pasi mund të prodhosh futboll dhe nuk mund të gjejsh golin. Sot nuk kemi prodhuar asgjë më shumë se kundërshtari. Përgjegjësinë kryesore e marr vetë për këtë performancë të ekipit. Ajo që neve na shqetëson është vazhdimësia. Nganjëherë mund ta fitosh ndeshjen, pavarësisht se kundërshtari ishte më sipër sesa ne. Nuk meritonim më shumë se barazimi. Vazhdimësia në lojë do na japi garancinë për vazhdimësinë në pikë.

"Unë do të thoja që është një ndeshje shumë e vështirë. Kjo lloj performancë do na uli psikologjikisht. Do gjejmë forcë për ta motivuar ekipin. Skënderbeu është ekip i konsoliduar. Kryeson bindshëm në futbollin shqiptar. Ka dhe Skënderbeu pikë jo të forta. Do mundohemi që t’i shfrytëzojmë ato, për të rikuperuar pikët e humbura sot."-tha Daja.


/Ora News.tv/