BOOM denoncon: Kompania Plus falimenton, por mban "peng" pronën e qytetarit
Edhe pse kompania telefonike Plus ka falimentuar ajo vazhdon të sjellë probleme për qytetarët. I tillë është rasti i Bedri Mustës nga Mallakastra, i cili prej 4 muajsh nuk di ku të trokasë për të zgjidhur hallin e tij.
Në vitin 2010 zoti Musta lidhi një kontrate qiraje me kompaninë Plus e cila do të zgjaste deri në vitin 2019. Kjo kompani mori me qira rreth 250 metra toke tek e cila vendosi një antenë.
Çdo gjë shkoi mirë deri në dhjetor të vitit 2017 kur kompania Plus shpalli falimentimin. Bedriu jo vetem qe nuk merr më qira, por as nuk e lëshon dot me qira token sepse antena nuk është hequr nga kompania. Ka 4 muaj që tenton të kontaktojë me personat qe ka firmosur kontraten por askush nuk i përgjigjet më sepse çdo numër kontakti ka qenë plus, dhe pas falimentimit është i pamundur kontakti me përfaqësuesi e kompanisë.
Por ky nuk është i vetmi problem i Bedriut. Kompania Plus ka kontaktuar një firmë sigurimi e cila duhet të ruante antenën. Me pas kjo kompani ka lidhur një kontratë pune me zotin Bedri ku ky i fundit është ‘Kujdestari i antenes’.
Që nga janari edhe kompania e sigurimit nuk e paguan zotin Bedri, ndërkohë që nuk pranon as të prishë kontratën dhe as të lëshojë me shkrim që Bedriu nuk është më përgjegjes për ruajtjen e antenës. Ne kushte te tilla ai është i detyruar të ruajë antenën edhe pse nuk merr lekë as nga Kompania Plus as nga firma e sigurimit.