Forca të shumta policie kanë marrë në mbrojtje 2 KZAZ, pas ultimatumit të Bashkisë për lirimin e tyre.

Burime për RTV Ora bëjnë me dije se Bashkia ende nuk ka ndërhyrë.

Ora 12:07 Bashkia Lezhë ultimatum: Të lirohen ambientet e KZAZ deri në orën 16:00

Ditën e sotme kryetari i bashkisë së Lezhës, Fran Frokaj i dërgoi një kërkesë KZAZ për lirimin vullnetar të ambienteve të shkollës "Beslidhja".

Sipas bashkisë, nëse materialet nuk do largohen deri ne orën 16:00 do ndërhyhet konform ligjit.

"Në zbatim të Dekretit të Presidentit për shfuqizimin e caktimit të datës së zgjedhjeve për organet e qeverisjes vendore, i botuar në Fletoren Zyrtare kërkoj nga ana juaj lirimin vullnetar të ambienteve të shkollës "Besëlidhja" deri në orën 16:00 të ditës së martë, datë 18 qershor 2019. 

Gjithashtu ju ritheksoj në vëmendje detyrimin për ndërprerjen e të gjitha veprimeve për afishimin e listave të zgjedhësve në të gjitha ambientet e miratuara Qendër Votimi dhe që janë në pronësi, varësi apo administrim të bashkisë Lezhë", thuhet në shkresën drejtuar KQZ.

Kërkesa i është dorëzuar edhe policisë së Lezhës permes të cilës e informon se do vijojë me lirimin e ambienteve të gjimnazit "Hydajet Lezha" dhe shkollës 'Gjergj Kastrioti".

Gjithashtu kekon nga policia për ta mbështetur në lirimin e këtyre ambienteve  

/Ora News.tv/