Basha: Kryeministri një dordolec që e tund krimi për të trembur shqiptarët

Basha: Kryeministri një dordolec që e tund krimi për të

Për kreun e opozita, qeveria, policia dhe prokuroria punojnë çdo ditë për kriminelët, ndërsa pas tyre qëndron kryeministri Edi Rama. Lulzim Basha thotë se kreu i qeverisë është zhytur në artin e telefonave, ndërsa kryeministri sipas tij, është kthyer në dordolec që krimi e tund përditë në publik.

Basha: Shqiptaret nuk kane qeveri qe punon per ta, por nje qeveri qe mbron krimin dhe kriminelet

Piktori i dështuar është zhytur në artin e telenovelave: shkruan, dirigjon, interpreton dhe ju servir shqiptarëve përditë nga një shfaqje bajate, ku kriminelët janë heronj dhe ku krimi është virtyt. 

Shqipëria nuk ka më kryeministër. Shqiptarët nuk kanë më qeveri që mendon e punon për ta dhe hallet e tyre. Në vend të sigurisë, punësimit e mirëqenies, tani e tutje shqiptarët do të kenë vetëm telenovela. Ndërkohë qeveria, policia dhe prokuroria punojnë çdo ditë për t’i garantuar sigurinë, qetësinë, dhe paratë kriminelëve. Sepse Rama mendon dhe vepron vetëm për të mbrojtur kriminelët. Ndaj çirret e betohet nga mëngjesi në darkë për të mbrojtur Tahirin, Xhafajan, Ballën, Rrajen, Çyrbjen, Gjushin, e kriminelët e lidhur me ta.

Edi Rama nuk është më kryeminsitër por vetëm një dordolec që krimi e tund përditë në publik për të kërcënuar dhe trembur shqiptarët.

Por shqiptarët nuk tremben. Unë as trembem dhe as shantazhohem. Sepse nuk jam peng i krimit. Sepse kurrë nuk më ka lidhur asgjë me kriminelët. Sepse sado t’i mbrojë Rama kriminelët dhe mbrojtësit e tyre, ata të gjithë do të përfundojnë atje ku e kanë vendin.

EMISIONET