Balliu: E gjithë Shqipëria në protestë, bashkojuni të hënën studentëve

Balliu: E gjithë Shqipëria në protestë, bashkojuni të

Nga Unaza e Re ku ishte në mbështetje të banorëve të Astirit për mbrojtjen e banesave të tyre nga shembja, deputeti demokrat Klevis Balliu apeloi qytetarët ti bashkohen të hënë protestës së studentëve.

Balliu: Kjo fuqi duhet bashkuar ditën e hënë te studentët përballë Kryeministrisë për ta hequr njëherë e mirë të keqen më të madhe të historisë së kombit shqiptar, Edi Ramën.

Sot e gjithë Shqipëria është në protestë. Të gjithë qytetarët, artistë dhe intelektualë ditën e hënë duhet të bashkoheni si kurrë ndonjëherë sepse kjo nuk është kauzë politike, por luftë midis të mirës dhe të keqes. Ju jeni e mira, Edi Rama është e keqja. Shporreni të keqen nga qeveria e shqiptarëve!

Balliu i bëri thirrje kryeprokures Arta Marku të vërë para drerjtësisë përgjegjësit e aferës me Unazën e Madhe, në të kundërt tha ai, do të jenë qytetarët ata që do ta vënë atë dhe klasën politike të korruptuar të Rili

Balliu: Zonja Arta Marku, je kryeprokurore, duhet ti përgjigjesh qytetarëve, të vësh para drejtësisë Edi Ramën, Erion Veliaj, Afrim Qendron dhe çdokënd që ishte i përfshirë në këtë aferë korruptive. Nëse nuk i vë ti para drejtësisë ata, do të venë qytetarët para drejtësisë ty dhe gjithë klasën politike të korruptuar të Rilindjes.

Deputeti demokrat akuzoi deputetët e mazhorancës dhe qeverinë për sjellje arrogante ndaj banorëve të Unazës së Re.

Balliu: Ju u keni bërë thirrje me qindra herë deputetëve të mazhorancës, Edi Ramës dhe Erion Veliajt për tu ulur dhe diskutuar me ju dhe nuk kanë denjuar të kthejnë as përgjigje, vertëm kanë ofenduar se mendojnë se karriget e tyre, se mafiozët që i mbrojnë ata, janë më të fuqishëm se ju. Nëse forcë duan ata, 100 herë më shumë forcë keni ju, 100 herë më shumë kanë forcë studentët. Me gjithë opozitën e bashkuar, me gjithë resurset opozitare nga mbarë vendi do të keni mbështetjen për kauzën tuaj legjitime. Po qëndruar do të fitoni ju dhe studentët.

EMISIONET