Aksident tek "Unaza e Madhe" në Tiranë, shikoni si është përmbysur makina
Një aksident ka ndodhur paraditen e sotme në aksin e unazës së re në Tiranë. Si pasojë e përplasjes me bordurën anësore të rrugës, një autoveturë ka humbur drejtimin dhe është përmbysur teksa ishte në lëvizje e sipër.
Siç e shikoni edhe në këto pamje, automjeti ka mbetur përmbys pas aksidentit ndërsa policia dhe një karroatrec kanë mbërritur në vendin e ngjarjes.
Automjeti i aksidentuar është rrotulluar nga disa persona që ndodhën në vendin e ngjarjes dhe më pas është vendosur në karroatrec.
Policia ka bërë me dije se drejtuesi i mjetit ka shpëtuar me lëndime të lehta ndërsa po hetohen shkaqet e aksidentit.