“Ai turpërohej vazhdimisht”, flasin miqtë për ndarjen e çiftit të famshëm
Liam Hemsworth dhe Miley Cyrus nuk do kthehen më kurrë bashkë, thonë miqtë e aktorit australian. Pasi u kontaktuan nga revista NW, ata zbuluan se pas martesës në dhjetor, Miley i ishte rikthyer veseve të vjetra.
“Liam turpërohej vazhdimisht dhe u lodh. Mënyra se si ajo po vepron tregon se po bën një punë të mirë që ai të mos kthehet më me të. Sapo ata u martuan, ajo iu rikthye festave të cmendura. Ata mund të kenë pasur zënka dhe pajtime në të kaluarën, por këtë herë mori fund”, thanë ata.
Flitet se familja e Liam i është lutur që të shkëpusë kontaktet me këngëtaren. Menjëherë pas ndarjes, Miley u fotografua duke shkëmbyer puthje me një vajzë në Itali.