Qeveria e Maqedonisë është zotuar të rishikojë legjislacionin mbi kafshët si qentë, pasi një vajzë adoleshente u mbyt në lumin Vardar, ndërsa përpiqej të shpëtonte nga një grup qensh të egërsuar.

Policia thotë se qentë shkuan pas vajzës të hënën në një park publik në qytetin e Gostivarit. 

Trupi i 17-vjeçares u gjet në rrjedhën e poshtme të lumit disa orë më vonë.

Vdekja e saj ka shkaktuar zemërim jo vetëm në qytetin e banuar kryesisht me shqiptarë.

Maqedonia ka probleme të hershme me një popullsi të madhe qensh endacakë. Grupet e mbrojtjes së kafshëve u kërkuan autoriteteve të forcojnë ligjet kundër pronarëve të qenve që braktisin kafshët shtëpiake.

Qeveria premtoi në një deklaratë të martën për të përgatitur projekt-ligjin për të adresuar shqetësimet.

Kanali privat i TV24 tha se më shumë se 1,000 persona në Shkup kanë kërkuar trajtim mjekësor për kafshimet e qenve vetëm këtë vit.

/Ora News.tv/