7 mrekullitë e reja të botës

Iguazu në Amerikën e Jugut

Në ujëvarat e Iguazut në Amerikën e Jugut, uji derdhet në një gjatësi prej gati tre kilometrash. Dy parqe kombëtare kanë si qëllim të mbrojnë ujëvarat e Iguazut.

Jeju në Korenë e Jugut

Në jug të Koresë shtrihet ishulli vullkanor subtropikal Jeju. Në vullkanin e shuar prej shumë vitesh është formuar një liqen kraterial, që është qendra e një parku kombëtar.

Amazona në Amerikën e Jugut

Në Amerikën e Jugut gjendet lumi më i pasur me ujë në botë. Amazona ka vëllim uji më të madh se shtatë lumenjtë e tjerë fqinj së bashku. Edhe ai është zgjedhur si një nga shtatë mrekullitë e reja natyrore.

Gjiri i Halongut në Vietnam

Në gjirin e Halongut ngrihen nga deti rreth 2000 shpate gëlqerore, në pjesën më të madhe të pabanuar. Gjiri është që prej vitit 1994 pjesë e trashëgimisë natyrore botërore të UNESCO-s.

Ishulli Komodo në Indonezi

Ishulli indonezian Komodo është i njohur para së gjithash për reptilin Komodo. Bëhet fjalë për një lloj reptili i cili mund të bëhet deri në tre metra i gjatë dhe 70 kilogram i rëndë.

Lumi nëntokësor i Puerto Princessa

Në Filipine gjendet lumi më i gjatë nëntokësor i botës, me gjatësi 7 kilometra. Mbi lumë vizitorët arrijnë në një kupolë shkëmbore gjigante.

Mali i sheshtë në Afrikën e Jugut

Mbi qytetin e Kepit ngrihet mali i sheshtë më i famshëm në botë, i cili për shumë njerëz është njëkohësisht edhe emblema e Afrikës së Jugut.

EMISIONET